Сәясәт

Яр Чаллыда «LADY MAMA 2021» матурлык фестивалендә җиңүчене билгеләделәр

"Заман" яшьләр үзәгендә «LADY MAMA 2021» матурлык һәм талант фестиваленең финалы узды. Әлеге фестиваль уникаль, ул әниләргә үз потенциалларын тормышка ашырырга һәм ниндидер яңалыкта үзләрен сынап карарга ярдәм итә. Фестиваль инде өченче ел рәттән үткәрелә, анда бала карау буенча отпускта булган әниләр катнаша. Беренче шундый чара 2019 елның мартында үткәрелде. Быел фестивальдә алты гүзәл зат катнашты, алар барысы да карьерасында уңышка ирешкән хатын-кызлар, яхшы һәм кайгыртучан әниләр.

Сәясәт

Балаларга бер тапкыр бирелә торган түләүләрне алу өчен Чаллы гаиләләренә 31 мартка кадәр гариза тапшырырга кирәк

31 марттан соң бер тапкыр бирелә торган түләү өчен гариза бирү мөмкинлеге булмаячак. Гаризаны дәүләт хезмәтләре порталында яки шәхсән Пенсия фондының клиентлар хезмәтендә тапшырырга мөмкин. Искәртеп узабыз, Президент Указы нигезендә, бер тапкыр бирелә торган түләү 7 яшькә кадәрге балаларның ата-аналарына, уллыкка алучыларына, опекуннарына һәм попечительләренә бирелә һәм гаиләдә һәр балага 5 мең сум тәшкил итә. 2020 елда 3 яшькә кадәрге балалар өчен айлык түләү яки 3 тән 16 яшькә кадәрге балалар өчен бер тапкыр бирелә торган түләү алган барлык гаиләләргә Пенсия фонды декабрьдә өстәмә түләүне автомат рәвештә күчерде.

Сәясәт

Яр Чаллыда 8 Март хөрмәтенә бәйрәм концерты узды

Яр Чаллы шәһәренең «Энергетик» мәдәният сараенда 8 нче мартка багышланган бәйрәм концерты узды. Халыкара хатын-кызлар көне уңаеннан оештырылган тантаналы чарага Бөек Ватан сугышы ветераннары, хезмәт ветераннары, күп балалы аналар, табиблар, педагоглар, сәнәгать предприятиеләре хезмәткәрләре, иҗтимагый оешмалар вәкилләре чакырылган иде.

Сәясәт

Яр Чаллыга эш визиты белән Башкортостан Республикасының Мәгариф һәм фән министры килде

Бүген Чаллыга эш визиты белән Башкортостан Республикасы Мәгариф һәм фән министры Айбулат Хажин килде. Ул 11 нче мәктәптә булды, аның базасында башкорт телен өйрәнү мәсьәләләре буенча түгәрәк өстәл узды. Биредә, якшәмбе мәктәбе кысаларында, бөтен шәһәрдән укучылар башкорт телен өйрәнәләр.

Сәясәт

Әлфия Когогина Яр Чаллының тыл хезмәтчәннәрен котлады

Дәүләт Думасы депутаты, икътисад, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина Яр Чаллыда яшәүче Бөек Ватан сугышы ветераннарын һәм тыл хезмәтчәннәрен якынлашып килүче Халыкара хатын-кызлар көне белән котлады.