Сәясәт

Наил Мәһдиев Мәктәп футбол лигасының яңа сезонына старт бирде

«Безнең шәһәр футбол белән яши, футбол белән шөгыльләнә. Мәктәп футбол лигасы һәр елны тулылана: быел турнирда рекордлы күләмдәге командалар – 78 команда катнаша, бу 900дән артык яшь спортчы дигән сүз. Яр Чаллы – КАМАЗлар туган җире һәм бөтен илгә таныш «КАМАЗ» футбол клубы шәһәре. Безнең яшь футболчылар арасында ярым миллионлы шәһәрнең төп командасына эләгә алырлык егетләр бар дип өметләнәбез. Хәтта сезнең күпчелегегез профессиональ футболистлар булып бетмәсә дә, сез команда, ярдәмчеллек нәрсә икәнен тоячаксыз.Футбол – дөньядагы беренче номерлы уен. Кадерле дуслар, безнең матур шәһәрнең яшь спортчылары, футболчылары, мин сезгә спортта уңышлар, яңа җиңүләр һәм бары тик изге теләкләр телим!».

Сәясәт

Яшьләр парламентының яңа чакырылышының беренче утырышы узды

Көн тәртибенең төп мәсьәләсе — җитәкче составны формалаштыру булды. Тавыш бирү нәтиҗәләре буенча Яшьләр парламенты рәисе вазифасына Дмитрий Колесников кабат сайланды. Шулай ук утырыш барышында рәис урынбасары һәм парламентның җаваплы сәркатибе рәсми рәвештә сайланды.

Сәясәт

Яр Чаллыдан шефлык ярдәме юлланды

Бүген Яр Чаллыдан шефлык ярдәме юлланды. Йөк Башкарма комитет бинасыннан 76 нчы Псков дивизиясенә юнәләчәк.

Сәясәт

Яр Чаллы укучылары Идел буе һәм Урал федераль округларының иң көчле акыл ияләре белән көч сынашачак

Пермь шәһәрендә округ Интеллектуаль олимпиадасының финалы башланды. Олимпиада «Яшьләр һәм балалар» милли проекты кысаларында уздырыла. Милли проект Россиянең барлык балалары һәм яшүсмерләре өчен потенциалны максималь дәрәҗәдә ачу мөмкинлеге бирүче тигез шартлар тудыруга юнәлдерелгән. Финалда Идел буе һәм Урал федераль округларыннан 200дән артык укучы катнаша. Татарстан Республикасы данын төбәк этабының 13 җиңүчесе яклый, шул исәптән Яр Чаллыдан «Кванториум» балалар технопаркы тәрбияләнүчеләре, шулай ук Казан һәм Бөгелмә районы укучылары.

Сәясәт

Татар теле укытучыларын бәйгедә катнашырга чакыралар

Үз фәннәрен татарча укытучы укытучыларның статусын күтәрү, педагогик тәҗрибәне һәм профессиональ осталыкны тарату максатында "Сэләт" яшьләр үзәге тарафыннан "Татар теле – халкым теле" II Бөтенроссия иҗади бәйге һәм семинар үткәрелү планлаштырыла. Бәйге ике этапта үткәрелә. Беренче этап – читтән торып (10 февральдән 16 мартка кадәр). Катнашучыларга резюме, автобиография һәм дәрес сценариен сылтама буенча оештыручылар адресына җибәрергә кирәк. Икенче этап – көндезге форматта (10-12 апрельдә). Беренче этап нәтиҗәләре буенча иң күп балл җыйган 120 катнашучы көндезге форматтагы этапка чакырыла. Ул "Сэләт-Батыр" яшьләр җәмәгать үзәгендә узачак. Конкурсның нигезләмәсе белән биредә танышырга була.