Хәзер 14:27
,
27.5 °C
Хәзер 14:27
,
27.5 °C
Яр Чаллыда Татарстан Республикасы Дәүләт Советы депутаты Николай Атласов гражданнарны кабул итте. Шәһәр халкы депутатка территорияне төзекләндерү, экология, халыкның иминлеге һәм дару препаратларына бәяләр артуга кагылышлы төрле сораулар белән килде.
30 июнь көнне Россия Рәссамнар берлегенең Бөтенроссия иҗтимагый оешмасының Яр Чаллы бүлекчәсе хисап-сайлау җыелышы булып узды. Ябык тавыш бирү нәтиҗәсендә шәһәр Рәссамнар берлеге идарәсенең яңа рәисе итеп Ленар Әхмәтов сайланды. Тавыш биргән 24 тавыш арасыннан 19 тавыш аның кандидатурасы өчен бирелде.
Күркәм традиция буенча Тантаналар сараенда ана (гаилә) капиталына сертификатлар тапшырылды. Яр Чаллының 17 гаиләсе сертификатка ия булды. Гаиләне ЗАГС идарәсе җитәкчесе Равилә Зарипова һәм Пенсия фонды җитәкчесе, Шәһәр Советы депутаты Эдуард Фәттахов котлады.
Чаллы спортчылары Валерия Попова, Виктория Малышева, Александра Лямасова, Эльвина Сәгыйтова, Аделина Сәгыйтова, Карина Севрюгина синхрон йөзү буенча «Россиянең спорт мастеры» мактаулы исеменә лаек булдылар.
Яр Чаллы мэры Наил Мәһдиев «НЕФАЗ» заводында булды. «КАМАЗ» ның башкарма директоры Юрий Герасимов , «НЕФАЗ» ның генераль директоры Владимир Курганов һәм Нефтекама мэры Ратмир Мәүлиев белән берлектә ул автобуслар һәм самосваллар җитештерү мәйданчыкларын карады.
