Сәясәт

Яр Чаллыда депутатлар гражданнарны ташламалы дарулар белән тәэмин итү мәсьәләсе буенча фикер алышты

Шәһәр Советының гражданнар сәламәтлеген саклау һәм социаль яклау мәсьәләләре буенча комиссиясе утырышы профессор М.З. Сигал исемендәге Республика клиник онкология диспансерының Яр Чаллы филиалында күчмә рәвештә узды. Утырыш башланганчы онкология диспансерының баш табибы Алмаз Хаҗиев катнашучыларны учреждение эшчәнлеге белән таныштырды һәм онкологик авыруларны профилактикалау максатыннан диспансеризация узу кирәклеген искә төшерде. Ташламалы категория гражданнарына ярдәм күрсәтү Россия Федерациясе Президенты Владимир Путин тарафыннан расланган «Озын һәм актив тормыш» милли проектының игътибар үзәгендә тора.

Сәясәт

Шәһәр территорияләрен җыештырырга студентлар һәм укучылар ярдәм итә

Үзәк районында төзекләндерү буенча язгы икеайлык дәвам итә: студентлар, укучылар һәм учреждение хезмәткәрләре территорияләрне җыештыру өчен берләште. Политехника һәм инженер-икътисад көллиятләре студентлары «Гренада» паркында һәм Тынычлык проспектында тәртип урнаштырды. 38 нче, 58 нче мәктәпләр, 76 нчы гимназия укучылары, шулай ук сәнгать галереясе һәм 14 нче балалар-яшүсмерләр үзәге хезмәткәрләре үз учреждениеләренең территорияләрен чистартты. Акциягә 22 нче, 33 нче, 111 нче балалар бакчалары хезмәткәрләре дә кушылды.

Сәясәт

Яр Чаллыда Эшмәкәрләр өчен ачык ишекләр көне үткәреләчәк

Кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәтнең Татарстан Республикасы буенча идарәсе бизнес-җәмәгатьчелек вәкилләрен «Эшмәкәрләр өчен ачык ишекләр көне» акциясендә катнашырга чакыра. Әлеге чара «Нәтиҗәле һәм конкурентлы икътисад» милли проекты кысаларында 9 апрель көнне 13:00 сәгатьтән 16:00 сәгатькә кадәр узачак.

Сәясәт

Ташу вакытында үзеңне ничек сакларга?

Ташу — кар эрү, яңгырлар яки плотиналар өзелү сәбәпле су дәрәҗәсенең кискен күтәрелүе. Су басу куркынычы янаганда һәм ташу вакытында ничек эш итәргә кирәклеген белү мөһим. Ташу куркынычы булганда мәгълүматны тыңлагыз һәм күршеләрегезне кисәтегез, балаларга һәм өлкәннәргә ярдәм итегез, эвакуация өчен җыелу урынын белешегез. Документларны су үткәрми торган пакетка, әйберләр, ризык һәм даруларны җыегыз, электр һәм газны сүндерегез, кыйммәтле әйберләрне өске катларга яки киштәләргә күтәрегез.

Сәясәт

Яр Чаллыда 8 апрельгә һава торышы

8 апрельдә Яр Чаллыда аязучан болытлы һава көтелә. Урыны белән бераз яңгыр ява. Җил көньяк-көнбатыштан, көнчыгыштан 5-10 м/с тизлктә.