Хәзер 07:45
,
21.5 °C
Хәзер 07:45
,
21.5 °C
24 апрельдә авыл хуҗалыгы ярминкәләренең соңгы сезоны үткәрелде. Исегезгә төшерик, алар гадәттәгечә шәһәрнең өч мәйданчыгында – Габдулла Тукай яр буенда («Төзүче» стадионы каршындагы мәйданчык), Ипподром һәм «Южный» агросәнәгать паркы территориясендә оештырылды. Ел башыннан бирле барлыгы 27 ярминкә үткәрелде.
Яр Чаллы Бөтенроссия өмәсенә һәм «Экояз 2021» республика акциясенә кушылды. Өмә барышында Казан белән видеоэлемтә оештырылды, эшкә Татарстан Республикасы Президенты Рөстәм Миңнеханов җитәкчелек итте. «Сезнең барыгызга да зур рәхмәт. Бүген Татарстанда бөтен халык өмәгә чыкты. Без моңа бер генә көнне багышларга тиеш түгел. Без яшәү рәвешенә, табигатькә мөнәсәбәтебезне үзгәртергә тиеш. Бу системалы эш. Балаларга э кологик тәрбия б ирә торган мәктәпләргә зур рәхмәт сүзләре н җиткерәм» , - дип билгеләп үтте ул.
Яр Чаллыда Чиләбе эшмәкәрләре делегациясе булып китте. Кунаклар Сәүдә-сәнәгать палатасында, шулай ук «КАМАЗ» ААҖ да булдылар, анда алар белән сатып алулар хезмәте вәкилләре очрашты.
«Дельфин» бассейнында Комсомол районының гомуми белем бирү мәктәпләре укучылары арасында йөзү буенча ярышлар узды. Аларда 7 команда катнашты. Ярышлар программасына түбәндәгеләр кертелгән иде: «Су полосы» эстафетасы, «Субботник» уены, кулда такта тотып йөзү һәм ирекле стиль белән йөзү. Ярыш нәтиҗәләре буенча 1 урынны 6 нчы мәктәп командасы, 2 нче урынны 56 нчы мәктәп командасы, 3 нче урынны 7 нче мәктәп командасы яулады.
Туган телләр һәм халыклар бердәмлеге елы кысаларында беренче тапкыр Яр Чаллыда Башкортстанның Милли музее тәкъдим иткән күргәзмә ачылачак. «Идел буе халыклары этносы һәм мәдәнияте. Башкортлар» күргәзмә проектының ачылу тантанасы 23 апрельдә 14:00 сәгатьтә Тарих һәм туган якны өйрәнү музееның зур күргәзмәләр залында узачак.
