Сәясәт

Яр Чаллыда Габдулла Тукайның туган көнен «Тукайга чәчәкләр» дип исемләнгән шигърият бәйрәме белән билгеләп үтәчәкләр

26 апрельдә Г.Тукай скверында күренекле татар шагыйре Габдулла Тукайның 135 еллыгы уңаеннан «Тукайга чәчәкләр» дип исемләнгән шигърият бәйрәме үткәрелә. Чара 12:00 сәгатьтә башлана. Бәйрәм кунакларын балалар театр сәнгате мәктәбе аниматорлары Г.Тукай әкиятләре персонажлары образында каршы алачак. Чарада 1 нче сәнгать мәктәбе көче белән мастер-класслар үткәрү планлаштырыла. Шәһәр китапханәсе хезмәткәрләре бәйрәм кунакларын Яр Чаллының әдәбият әһелләре иҗаты, бөек шагыйрьнең китаплары күргәзмәсе белән таныштырачак, шулай ук Габдулла Тукайның иҗаты буенча әдәби уен-викторина уздырылачак.

Сәясәт

Чаллы спортчылары синхрон йөзү буенча Россия чемпионатында медальләр яулады

20-22 апрельдә Казанда Су спорты төрләре сараенда синхрон йөзү буенча Россия чемпионаты узды. Чаллының «Дельфин» олимпия резервы спорт мәктәбендә тәрбияләнүчеләр Татарстан Республикасының җыелма командасы составында 4 комплект бронза медаль яулады. «Т өркем» олимпия дисциплинасында 3 нче урынга Елизавета Захара, Виктория Малышева, Александра Лямасова, Валерия Попова, Аделина Сәгыйтова, Аделя Сәрвәрова, Карина Севрюгина, Диана Хәбибуллина, Олеся Архипова, Анна Гордеева, Галина Лучшева, Алина Тихомирова лаек булдылар. «Дуэт» олимпия дисциплинасында 3 нче урынны Аделина Сәгыйтова белән Валерия Попова яулады. Алина Тихомирова һәм Артур Коршунов «Катнаш дуэтларда» 3 нче урын алдылар.

Сәясәт

Социаль иминият фонды кисәтү чараларын тәэмин итү буенча гаризалар тапшыру вакыты турында искәртә

Россия Федерациясе Социаль иминият фондының Татарстан Республикасы буенча төбәк бүлеге җиткерә: предприятие һәм оешмаларның ел саен Россия Федерациясе Социаль иминият фонды акчалары хисабына хезмәт шартларын һәм хезмәтне саклауны яхшырту буенча чаралар үткәрү мөмкинлеге бар. Россия Федерациясе Хезмәт кодексының гамәлдәге нормалары нигезендә, әлеге чараларның кайберләре барлык эш бирүчеләр тарафыннан да үтәлергә тиеш.

Сәясәт

Чаллының яшь музыкантлары Казанның La Primavera камера оркестры белән чыгыш ясаячак

14 майда Казанда La Primavera Казан камера оркестрының «Звезды из Завтра» иҗат программасының грандиоз финал концерты узачак. Казан La Primavera камера оркестрының сәнгать җитәкчесе һәм баш дирижеры Рөстәм Абязов Татарстан шәһәрләрендә гала-концертлар, сайлап алу турлары үткәрде. Аларда 250 дән артык яшь музыкант катнашты. Программаның финалында чыгыш ясаячак балаларның исемнәре игълан ителде. Салих Сәйдәшев исемендәге Дәүләт зур концертлар залы сәхнәсенә Яр Чаллы музыкантлары да чыгачак.

Сәясәт

Картиналар галереясендә Җирле үзидарә көне уңаеннан тантаналы чара узды

Яр Чаллы картиналар галереясендә Җирле үзидарә көненә багышланган бәйрәм чарасы узды. Үзәк районы хакимияте хезмәткәрләрен һәм ветераннарын һөнәри бәйрәмнәре белән район Башлыгы Искәндәр Галимов котлады. Ул Җирле үзидарәнең заманча дәүләтчелекне үстерүдә әһәмиятле ролен билгеләп үтте, шулай ук намуслы хезмәтләре өчен барысына да рәхмәт белдерде, нык сәламәтлек, бәхет, иминлек һәм иң изге теләкләр теләде.