Сәясәт

"Развитие" сәнәгать паркына ТР бюджетыннан 20 миллион сумнан артык акча бүлеп бирелгән

Башкарма комитетта «Развитие» сәнәгать паркының III чиратын булдыру сораулары буенча киңәшмә узды. Башкарма комитет җитәкчесе урынбасары Наталия Кропотова проектның Татарстан Республикасы Хөкүмәте һәм шәхсән республика президенты Рөстәм Миңнеханов ярдәме белән тормышка ашырылуын билгеләп үтте. «Развитие» сәнәгать паркының 3 нче чираты өчен инженерлык һәм юл инфраструктурасы төзелеше кысаларында проект-эзләнү эшләрен башкаруга Татарстан Республикасы бюджетыннан 21,7 млн сум бүлеп бирелгән.

Сәясәт

Чаллының югары уку йорты ректоры «БДБ мәгариф отличнигы» күкрәк билгесе белән бүләкләнде

Казахстан башкаласында Бәйсез Дәүләтләр Бердәмлегендә катнашучы дәүләтләр укытучыларының һәм мәгариф хезмәткәрләренең VII съезды уза. У кытучылар съезды БДБ Мәгариф министрлары конференциясе карары буенча ике елга бер тапкыр үткәрелә. Тантаналы ачылышта катнашучыларны мәгариф министры Әсхәт Аймагамбәтов, фән һәм югары белем министры Сәясәт Нурбәк сәламләде. С ъезд вакытында төрле юнәлешләр буенча барлыгы 9 тематик секция оештырылган: белем бирү эчтәлеге, бәяләү, гомумкешелек кыйммәтләре, укытучылар үсеше, өстәмә белем, циффрлы трансформация, балалар иминлеге, инклюзивлык, техник һәм һөнәри белем. Катнашучылар шулай ук циффрлаштыру чорында укучылар белеменә һәм ата-аналар белән үзара бәйләнешкә кагылышлы мәсьәләләр буенча фикер алышачаклар.

Сәясәт

Чаллылыларга салым түләү турында искәрттеләр

Россия Федераль салым хезмәтенең Татарстан Республикасы Яр Чаллы шәһәре буенча идарәсе ел саен 1 декабрьгә кадәр фатир яки йорт, автомобиль яки җир кишәрлегенә милек салымнарын түләргә кирәклеген искәртә. Чаллылыларның почта ящикларына салым уведомлениеләре килә башлаган инде. Уведомлениеләр 2022 елның сентябреннән этаплап җибәрелә һәм ул октябрьдә тәмамланачак. 2021 елда исәпләнгән милек салымнарының гомуми суммасы 1 млрд сумнан артык тәшкил иткән. Милеккә салым 278 мең фатир, йорт, гараж һәм башка корылма милекчеләренә исәпләнгән, транспорт салымы 137 мең автомобиль хуҗасына исәпләнгән, җир салымы - 14 мең участок милекчесенә.

Сәясәт

Чаллылылар ял һәм мәдәният парклары турында үз фикерләрен әйтә алалар

Яшьләр эшләре, иреклеләр һәм патриотик тәрбия бирү буенча Россия Федерациясе Иҗтимагый палатасы комиссиясе яшьләр өчен мәдәният һәм ял паркларында күрсәтелә торган хезмәтләрнең һәркем өчен мөмкинлеген мониторинглый. Мониторинг ил төбәкләрендәге мәдәният һәм ял паркларында яшьләр өчен хезмәт күрсәтү мөмкинлеген бәяләү максатында үткәрелә. Мониторинг сораулары белән анкета түбәндәге сылтама буенча тәкъдим ителә: https://forms.yandex.ru/cloud/63175b046ebaelc6bc82979e/ .

Сәясәт

Чаллыда яшьләрне бүләкләү эше дәвам итә

2021/2022 уку елы йомгаклары буенча иҗтимагый эшчәнлек өлкәсендә шәһәр мэрының исемле стипендиясенә дәгъва кылучылардан гаризалар кабул итү дәвам итә. Чаллыда яшьләр потенциалын төрле яклап гамәлгә ашыру өчен шартлар тудыруга зур игътибар бирелә һәм яшьләр иҗтимагый хәрәкәтенә ярдәм итү максатыннан ел саен мэрның 20 исемле стипендиясе тапшырыла. Стипендияне балалар һәм яшьләр иҗтимагый оешмалары лидерлары һәм активистлары иҗтимагый эшчәнлек өлкәсендәге уңышлары өчен ала. Стипендия күләме 24000 сум тәшкил итә. Стипендиягә ия булырдай кандидатларны сайлап алу 15 октябрьдән дә соңга калмыйча бирелә торган түбәндәге документлар нигезендә башкарыла: Башкарма комитетның яшьләр белән эшләү идарәсе башлыгы исеменә кандидаттан гаризалар; иҗтимагый эшчәнлек өлкәсендә кандидат ирешкән нәтиҗәләр турында мәгълүматлар; дипломнар, хисап елы грамоталары күчермәләре; мәгариф учреждениеләренең директорлар Советы үтенечнамәләре һәм узган уку елы өчен кандидатның өлгерлеге турында белешмәләр кирәк. Документларны шәһәр мэриясенең 261 кабинетына 2022 елның 15 октябренә кадәр тапшыру зарур. Белешмәләр өчен Телефон: 30-56-58, 30-56-57.