Сәясәт

Картиналар галереясендә «Ел рәссамы-2020» конкурс күргәзмәсен ачу булды

Яр Чаллы картиналар галереясенең зур залында «Ел рәссамы-2020» шәһәр конкурсы күргәзмәсе ачылды. 2021 елда күргәзмәдә төрле жанрдагы һәм техникалардагы 113 авторның 215 эше тәкъдим ителгән. «Ел рәссамы-2020» шәһәр конкурсы күргәзмәсендә югары һөнәри осталык һәм рәсем сәнгатен үстерүгә зур өлеш кертүе өчен «Рәсем сәнгате» номинациясендә - Александр Петров; югары профессиональлек, тематик карарларның байлыгы, графиканы үстерүгә зур өлеш керткәне өчен «Графика» номинациясендә Рият Мөхәммәтшин; Факил Гайфетдинов иҗтимагый әһәмияткә ия монументаль әсәрләр һәм скульптурада тарихи темасын ачкан өчен «Скульптура» номинациясендә; югары профессионализмы һәм шамаил сәнгатен үстерүгә зур өлеш кертүе өчен «Декоратив-гамәли сәнгать һәм скульптура» номинациясендә Чулпан Шәрифуллина; акварель техникасында зәвык һәм осталык өчен «Яңа исемнәр» номинациясендә Татьяна Низамова; халык сәнгатен үстергәне һәм агачтан оригиналь эшләнмәләр ясаганы өчен "Халык сәнгате" номинациясендә Фоат Закиров; югары профессиональлек һәм Яр Чаллы шәһәре образын матур итеп гәүдәләндергән өчен "Яр Чаллы шәһәре. Тарих һәм хәзерге заман" номинациясендә Рауза Иванова җиңү яулады.

Сәясәт

Яр Чаллыда 25 градуска кадәр салкыннар көтелә

Татарстан Республикасы территориясендә 16 февральдән башлап һава температурасы нормадан 9-15 градуска түбән булачак, минималь температура -25..-30 градуска кадәр аномаль-салкын һава торышы урнашты, аерым районнарда -37 градус фаразлана. Аномаль-салкын һава торышы республикада 25 февральгә кадәр сакланачак.

Сәясәт

Дәүләт Думасы I укылышта нацист җинаятьчеләренең сурәтләрен демонстрацияләүне тыюны хуплады

Дәүләт Думасы Россия территориясендә Нюрнберг трибуналы карары нигезендә җинаять кылуда гаепле дип табылган кешеләрнең сурәтләрен күрсәтүне тыя торган закон проектын беренче укылышта кабул итте. Нацизм идеологиясенә тискәре мөнәсәбәт формалаштыру өчен кулланыла торган яки нацизмны пропагандалау, аклау билгеләре булмаган очрак кына искәрмә була ала.

Сәясәт

«Чаллы – дуслар каласы» китапханә фестивале төрле милләт вәкилләрен җыйды

Үзәк шәһәр китапханәсендә «Чаллы – дуслар каласы» дип исемләнгән төбәк халыкларының милли мәдәниятләре һәм әдәбиятлары фестивале узды. «Чишмә» халыклар дуслыгы йорты белән берлектә оештырылган фестивальдә төрле милләт вәкилләре очрашты.

Сәясәт

Чаллыда узачак Кама марафонына Олимпия чемпионнарын көтәләр

Традицион Кама марафоны 23 февральдә Яр Чаллыда узачак. Быел ул 20 нче тапкыр үтәчәк. Спортчыларга 10, 15, 20, 30,50 км дистанцияләрне сайлап алырга тәкъдим итәчәкләр: ярышларның приз фонды 1 млн сум тәшкил итә. "Дистанцияләр төрле. Приз фонды моңарчы күрелмәгән, ул беркайчан да Кама чаңгы марафонында булмаган. Барыгызны да аның өчен көрәшергә чакырабыз, - диде Яр Чаллы шәһәренең чаңгы ярышлары федерациясе эшләре идарәчесе Ләйлә Вопшина. - Хәзерге вакытта актив катнашучылар 75-алар абсолют категориядә катнашучылар: 15, 20, 30 һәм 50 км. балаларны без түләүсез теркибез. Алар район һәм күрше республика спорт мәктәпләре. Хәзергә 200 тирәсе бала текәлгән".