Сәясәт

Чаллы Бюджеты-2022. Керемнәр һәм чыгымнар. Акча ничек кулланыла?

Бүген аппарат киңәшмәсендә Башкарма комитет җитәкчесе урынбасары, финанс идарәсе башлыгы Светлана Мулекова Чаллы бюджетының үтәлеше турында сөйләде. 2022 елның 9 аенда шәһәр бюджетының керем чыганаклары 10 млрд 595 млн сум тәшкил иткән. Узган ел белән чагыштырганда керемнәр 22%ка арткан. "Физик затлар милек салымын түләүнең якынлашып килүче срокларына аеруча игътибар итәсем килә. 1 декабрьгә кадәр салымнар түләнмәгән очракта, исәпләнгән суммалар бурыч статусын алачак, бу срогы чыккан һәр көн өчен пенялар исәпләнә. Җирле бюджет буенча бурычлар артмасын өчен, шәһәрнең барлык гражданнарына аңлы булырга һәм 2022 елның 1 декабренә кадәр милек салымнарын түләргә кирәк", – дип мөрәҗәгать итте чаллылыларга Башкарма комитет җитәкчесе урынбасары, финанс идарәсе башлыгы Светлана Мулекова.

Сәясәт

Наил Мәһдиев: "Авыр вакытларда ныклылыкка тикшерү узабыз"

Шәһәр мэры аппарат киңәшмәсе барышында өлешчә мобилизациягә чакырылган Татарстан егетләре хезмәт иткән Белгород өлкәсенең хәрби частенә сәфәр нәтиҗәләре белән уртаклашты. Ул сәфәр барышында Чаллыдан 90 тоннадан артык йөк – җылы эчке кием, ярма, азык-төлек, йокы капчыклары тапшырылуын хәбәр итте. Частьта Казан, Зәй, Чаллы, Биектау, башка шәһәрләрдән булган ир-егетләр хәрби бурычларын үтәргә әзерләнә.

Сәясәт

Якшәмбе көнгә Чаллыда булачак һава торышы

Аязучан болытлы һава. Явым-төшемсез. Җил төньяк-көнбатыштан секундына 5-10 метр тизлектә. Төнлә минималь һава температурасы -1..-3˚. Көндез максималь һава температурасы 0..+2˚. Төнлә һәм иртән юлларда урыны белән бозлавык.

Сәясәт

Чаллы ярминкәләренә ТРның 12 районы үз продукциясен алып килде

5 ноябрьдә Г.Тукай яр буенда («Төзүче» стадионы каршындагы мәйдан), Ипподром һәм «Южный» агросәнәгать паркы территорияләрендә авыл хуҗалыгы ярминкәләре узды. Ярминкә мәйданнарына Татарстанның 12 муниципаль районы товар җитештерүчеләреннән 32 млн сумлык 1133 тоннадан артык авыл хуҗалыгы продукциясе китерелгән. Чаллылылар бик актив рәвештә ит, он, йомырка, май, сөт һәм яшелчә продукциясе (кәбестә, кишер, суган) сатып алды. Киләсе ярминкәләр 12 ноябрьдә расланган ярминкәләрдә узачак.

Сәясәт

Наил Мәһдиев ЛНР һәм ДНР футболчыларына спорт формасы бүләк итте

Яр Чаллы шәһәре мэры Наил Мәһдиев Донецк һәм Луганск халык республикалары футболчыларына спорт формалары һәм туплар бүләк итте. Бу көннәрдә автокалада «Бердәмлек Кубогы» балалар-яшүсмерләр футбол фестивале уза. "Балаларның кая яшәүләренә карамастан балачагы бәхетле булырга тиеш. Яшүсмерләр безнең шәһәр турында яхшы тәэсирләр калдырсын!",- дип билгеләп үтте шәһәр башлыгы. Фестивальдә Севастополь, Луганск, Донецк, Көньяк Осетия, Пермь крае, Мордовия, Ульяновск, Уфа, Самара командалары катнашты.