Хәзер 21:23
,
21.5 °C
Хәзер 21:23
,
21.5 °C
2022 ел өчен 6 меңнән артык мөрәҗәгать килгән, шуларның 2188е – шәхси кабул итү форматында һәм 3873е-язмача мөрәҗәгать. 2020 елда уңай каралган мөрәҗәгатьләр өлеше 25,8% булса, 2021 елда – 35,3%не тәшкил итә. Ә хәзер ул артты һәм 44,2% алып тора. Бу хакта бүген Аппарат җитәкчесе Гөлнар Әхмәтова хәбәр итте.
Орган залында 3нче балалар музыка мәктәбенең юбилей концерты узды. Яшь артистлар соло һәм ансамбль номерлары белән тыңлаучыларны сөендерде. Концертта мәктәпнең солистлары һәм иҗат коллективлары: «Карусель» халык уен кораллары оркестры, тынлы оркестр, «Кояш балалары», «Кояш нурлары», «Унисон» һәм «Мин җырлыйм» хор коллективлары, «Чаллы сувениры» халык уен кораллары педагогика ансамбле һәм «Фантазия» укытучылар вокаль ансамбле катнашты. Концертның чын бүләкләре һәм бизәге булып узган еллар чыгарылыш укучылары Григорий Грицков, Елизавета Дерябинаның һәм Диана Дәүләтшина чыгышлары тора.
Башкарма комитет җитәкчесенең беренче урынбасары Илья Зуев аппарат киңәшмәсе барышында автокалада транспортның дөрес эшләмәве буенча күпсанлы мөрәҗәгатьләр белән бәйле рәвештә тикшерүләр үткәреләчәген хәбәр итте. Шәһәр мэры Наил Мәһдиев мондый тикшерүләрне мөрәҗәгать итүчене чакыру белән берлектә үткәрергә кирәклеген билгеләп үтте. Шулай ук шәһәр башлыгы карны чистартуга аерым игътибар бирүләрен сорады. Хәзерге вакытта Чаллы юлларында автомобиль юллары предприятиесенең 80 берәмлек техникасы, 100дән артык юл эшчесе эшли. ПАД МУП тәүлек әйләнәсенә чыкты. "Кар чистартуга игътибар итәргә кирәк. Узган елларда колодецлар буенча сораулар туды", - дип билгеләде Наил Мәһдиев.
Ял көннәрендә Габдулла Тукай яр буенда «Төзүче» стадионы, Ипподром һәм «Южный» агросәнәгать паркы каршында авыл хуҗалыгы ярминкәләре узды. 12 муниципаль районнан 18 млн сумлык 352 тоннадан артык авыл хуҗалыгы продукциясе китерелгән. Киләсе ярминкәләр 26 ноябрьдә расланган мәйданчыкларда узачак.
Бүген Чаллыда Дамир Рөстәм улы Гадиуллинны соңгы юлга озаттылар. Матәм тантанасында сугышчының туганнары һәм якыннары, Башкарма комитет хезмәткәрләре, Шәһәр Советы депутатлары катнашты. Дамир Гадиуллин Яр Чаллыда туган, Яр Чаллы политехник көллиятен тәмамлаган. Хезмәт вазыйфаларын үтәгәндә һәлак була. Ул контракт буенча хезмәт иткән. «Бүген Чаллы шәһәре үз улы өчен кайгыра, сакчы белән хушлаша. Дамир Рөстәм улы Ватанының лаеклы улы булып калачак. Авыр минутларда ул куркып калмады, Ватаныбыз өчен җанын бирде», - диде Башкарма комитет җитәкчесенең беренче урынбасары Илья Зуев солдат туганнарының һәм якыннарының тирән кайгысын уртаклашып. ТР Мәгариф һәм фән министры Илсур Һадиуллин Татарстан президенты һәм республика Хөкүмәтенең кайгы уртаклашу сүзләрен җиткерде.
