Сәясәт

Чаллыда автобуслар видеокамералар белән тәэмин ителгән

Чаллыда шәһәр маршрутларында автобусларның хәрәкәтен күзәтү өчен ГЛОНАСС системасы, җәмәгать транспортын йөртүчеләрне контрольдә тоту өчен салон эчендә видеокамера урнаштырылган. «Пассажирские перевозки» генераль директоры Николай Тятюшкин бүген пресс-конференция барышында транспорт йөртүчеләр белән зур эш алып барылуы турында сөйләде. Чаллылылардан транспорт йөртүчеләргә карата үз-үзләрен тотышына яки йөртү тәртибенә шикаятьләр килгән очракта, чаралар күрелә. Хәбәрне тикшерү кыен түгел: дәүләт автобус номеры, хәрәкәт вакыты билгеле булса, барысын да видеокамералар аша тикшереп була.

Сәясәт

Чаллы юлларында юл һәлакәте очраклары кими

Чаллы шәһәренең юл хәрәкәте куркынычсызлыгы буенча баш дәүләт инспекторы Радий Кадиков массакүләм мәгълүмат чаралары өчен традицион матбугат конференциясе барышында юллардагы вәзгыять турында сөйләде. Ул хәбәр иткәнчә, 2022 елда 394 юл – транспорт һәлакәте теркәлгән, шул ук вакытта юлларда һәлакәтләр саны – 6%ка, исерек шоферлар катнашында-7,7%ка, балалар катнашында 7,4% ка кимегән. Бу ел дәвамында автобус йөртүчеләргә пассажирлар йөртү кагыйдәләрен бозган өчен 3 меңнән артык административ беркетмә төзелде, 60ка якын вазифаи зат административ җаваплылыкка тартылган. Радий Кадиков билгеләп үткәнчә, быел автобус йөртүчеләр ягыннан резонанслы һәлакәтләр теркәлмәгән, машина йөртүчеләр тәртипкә өйрәнеп килә. Шулай ук ул ассызыклаганча, автокалада машина йөртүчеләр өчен барлык шартлар да тудырылган: даими рәвештә юллар ремонтлана, яңалары төзелә.

Сәясәт

Мәләкәс аръягыннан трамвай тармагы шәһәрнең барлык районнарын тоташтырачак

Башкарма комитет җитәкчесенең беренче урынбасары Илья Зуев бүген матбугат конференциясе барышында Замелекесье белән ГЭС поселогына тоташтырачак яңа трамвай тармагы ике этапта төзеләчәген хәбәр итте. Хәзерге вакытта масштаблы проектны финанслау чыганагы билгеләнә. Трамвай тармагының беренче этабы Яр Чаллы проспекты борылышыннан Сарман трактына кадәр Фоменко проспекты буенча беренче автомобиль юлы боҗрасына кадәр узачак, озынлыгы 10 км 228 м тәшкил итә. Проект буенча яңа трамвай юллары Сарман тракты, Фоменко проспекты, Казан проспекты буенча Муса Җәлил проспектына чыгачак. "Замекесьеда 60 меңгә кадәр кеше яшәячәк, кулай транспорт белән тәэмин итәргә кирәк, трамвай барлык таләпләргә дә җавап бирә", – дип шәрехләде Илья Зуев.

Сәясәт

Чаллыда нинди шугалаклар эшлиячәк?

Безнең шәһәр территориясендә кышкы чорда 24 хоккей корты һәм мәгариф учреждениеләре территориясендә 38 шугалак эшләячәк. Шулай ук шәһәрнең Азатлык мәйданы, Яр буе мәйданы, ипподром һәм "Медео" шугалагы кебек иҗтимагый киңлекләрендә дүрт зур массакүләм шугалак булачак. Бу атнада «Яшүсмер» үзәге хезмәткәрләре 11 хоккей тартмасында шугалак ясау эшләренә кереште, аларда теләге булган балалар һәм яшүсмерләр өчен хоккей буенча бушлай тренировкалар оештырылачак. 11 хоккей кортында әзерлек инвентарьлары түләүсез бирелә, бу хоккей уйнарга теләге булган балаларны күбрәк җәлеп итәргә мөмкинлек бирә. Хәзерге вакытта тимераякларны ревизияләү һәм тартмаларны косметик ремонтлау буенча чаралар бара. Кортларны өслекләренә һәм температура режимына карап, 1 декабрьгә кадәр рәткә китереп бетерергә тиешләр.

Сәясәт

Чаллылылар 5,2 миллион сумлык грант откан

2022 елда гражданлык җәмгыятен үстерүгә Татарстан Республикасы грантларын бирүгә беренче конкурс тәмамланды. Конкурсның максаты-гражданлык җәмгыятен үстерүдә катнашучы коммерцияле булмаган оешмаларга дәүләт ярдәме күрсәтү.