Сәясәт

"Безгә бу дөньяны саклау васыять ителгән..." фестиваленә йомгак ясалды

"Безгә дөньяны саклау васыять ителгән...» патриотик фестивале сәнгатьнең барлык өлкәләрендә иң талантлы һәм перспективалы авторларны, башкаручыларны һәм коллективларны ачыклауга, Ватан тарихына ихтирам һәм мәхәббәт тәрбияләүгә, үз халкыңның һәм илебезнең казанышлары белән горурлануга, Россиянең һәм Татарстанның мәдәни-тарихи байлыгына, аларның музыкаль, башкару, сәнгать һәм театр мирасына карата кызыксыну уятуга юнәлдерелгән. Быел фестиваль беренче тапкыр үткәрелде. Конкурсантларга биш юнәлеш буенча катнашырга тәкъдим ителде:"Музыка", "Нәфис сүз", "Хореография", "Театр юнәлеше" һәм "Оригиналь жанр".

Сәясәт

Чаллы проекты Росмолодежь конкурсында грант отты

"Чаллы парклары" командасы шәһәрдә урам театрының арт-резиденциясен оештыруга грант отты. 14 ноябрьдә «УРАМ» экстрим-паркында «Безнең Татарстан!» республика яшьләр форумы кысаларында Росмолодежь грант конкурсында җиңүчеләрне бүләкләү булды. Парк командасы - «Чаллы парклары» командасы җитәкчесе Дмитрий Колесников һәм "Гренада" паркы кураторы Грязнова Анастасия «Шәһәрдәшләрнең урам театры Арт-резиденциясе» проекты белән 300 мең сумлык грант конкурсына заявка бирде. Бу җәмәгать проект 2023 елда ук шәһәрнең җәмәгать киңлекләрендә тормышка ашырылачак.

Сәясәт

Чаллыда барлык агач һәм куакларны тикшерәчәкләр

Чаллы шәһәре мэры Наил Мәһдиев йөкләмәсе буенча Башкарма комитет һәм Татарстан Экология һәм табигый байлыклар министрлыгы табигать саклау чараларын үтәүне тәэмин итү буенча хезмәттәшлек турында килешүгә кул куйдылар. Бу килешүләр кысаларында җәй дәвамында бюджет акчалары хисабына яшел үсентеләрне санитар-экологик тикшерү үткәрелде. Аның максаты-корткычлар чыганакларын, авыруларның барлыкка килү урыннарын, агачлар зәгыйфьләнүнең һәм коруның төп сәбәпләрен ачыклау, шулай ук яшел үсентеләрне саклауга юнәлтелгән чараларны билгеләү. Бүген шәһәр мэры Наил Мәһдиев тикшерү нең башлангыч нәтиҗәләрен белү өчен галимнәр белән очрашты. Тикшерү шәһәрнең бөтен территориясендә – Яр буе паркында, Җиңү паркында, Гренадада, шәһәрнең өч районында үткәрелде. Тикшеренүләрнең берсе С.М. Киров исемендәге Санкт-Петербург дәүләт урман-техник университеты тарафыннан оештырылды. Бүген алар журналистлар белән очрашып, Чаллының яшел массивы торышына югары бәя бирделәр.

Сәясәт

Балалар-яшүсмерләр үзәге юбилеен билгеләп үтте

14 нче балалар-яшүсмерләр үзәгенә 45 яшь тулды. Бу вакыйга хөрмәтенә узган ялларда «Навстречу мечте!» дип исемләнгән юбилей кичәсе узды. Үзәкнең тарихы 1977 елларга барып тоташа, Автозавод пионерлар йортында балалар иҗаты түгәрәкләре актив үсеш ала, пионерлар отрядлары эшчәнлеген оештыру буенча вожатыйлар белән зур эш алып барыла. 1991 елда пионерлар йорты үзенең яңа исемен алды һәм 14 нче балалар-яшүсмерләр үзәгенә әверелде. Бүген оешмада өстәмә белем бирү өлкәсендә дәүләт сәясәте уңышлы тормышка ашырыла. Педагоглар - һөнәри осталык конкурслары лауреатлары, ә укучылар - төрле фестивальләрдә, ярышларда һәм чемпионатларда муниципаль дәрәҗәдән алып халыкара дәрәҗәгә кадәр җиңүчеләр һәм призерлар. Балалар һәм яшүсмерләр үзәге 2400 укучы өчен тормышта үз урыннарын табу һәм аларның талантларын ачу өчен ачык белем бирү мәйданына әверелде.

Сәясәт

Эшмәкәрләр өчен Ачык ишекләр көне оештырыла

Татарстан Республикасы буенча Роспотребнадзор идарәсе 16 ноябрьдә 14:00 сәгатьтән 16:00 сәгатькә кадәр эшмәкәрләр өчен бердәм «Ачык ишекләр» көнен оештыра. Яр Чаллы территориаль бүлеге белгечләре, идарә компетенциясе чикләрендә, Яр Чаллы шәһәре, Низаметдинов урамы, 14нче йорт, 3нче катта консультацияләр уздырачаклар. Кабул итү алдан язылу буенча (8552) 32-05-99 телефоны аша башкарылачак.