Сәясәт

Яр Чаллыда Украинада һәлак булган Артур Шәрәфиев белән хушлаштылар

Артур Шәрәфиевне соңгы юлга озатырга туганнары, дуслары, сыйныфташлары, укытучылары килде. Матәм чарасында шәһәр мэры Наил Мәһдиев катнашты: «Бүген ярты миллионлы шәһәр кайгы кичерә. Без сугышчыбызны, каһарманыбызны соңгы юлына озатабыз. Артур Шәрәфиев үзенең язмышын Ватанга хезмәт итүгә багышлаган һәм соңгы көнгә кадәр хәрби антка тугры калган. Ул чын каһарман. Ата-анасы аның уңышлары белән горурланып яшәгән. Бернинди дә кайгы уртаклашу сүзләре алар кичерә торган авырлыкларны җиңеләйтә алмаячак. Сезгә, туганнарыгызга һәм якыннарыгызга бу авыр көннәрдә сабырлык һәм ныклык телибез. Без сезнең кайгыгызны уртаклашабыз . Ватан героена мәңгелек дан!» – диде матәм митингында мэр.

Сәясәт

Яр Чаллының 18 нче мәктәбендә туклануны оештыруны тикшерделәр

Аерым предметлар тирәнтен өйрәнелә торган 18 нче мәктәп ашханәсе бер тәнәфес эчендә 200дән артык баланы ашата. Бүген менюда: балык ашы, ипи, печенье һәм компот. Мәктәп ашханәсендә шәһәрнең мәгариф идарәсе башлыгы Рөстәм Хуҗин да булды. Ул кайнар туклануны оештыруны һәм укучыларның туклануын шәхсән бәяләде. «Без күзәтеп торган төп күрсәткечләрнең берсе – ашалмаган ризык индексы. Бу мәктәптә әлеге күрсәткеч түбән һәм 3%ка якын», - дип билгеләп үтә Рөстәм Хуҗин.

Сәясәт

"КАМАЗ" мәдәният сараенда «Сокровище нации – Милләтем хәзинәсе» фестивале узачак

23 март көнне 15:00 сәгатьтә «КАМАЗ» мәдәният сараенда Россия халыкларының мәдәни мирасы елына багышланган «Сокровище нации – Милләтем хәзинәсе» татар милли мәдәнияте фестивале узачак.

Сәясәт

Яр Чаллыда +4 градус фаразлана

22 мартта Яр Чаллыда аязучан болытлы һава көтелә. Явым-төшемсез. Җил төньяк-көнбатыштан, көньяк-көнбатыштан 6-11 м/с, урыны белән 14 м/с кадәр тизлектә.

Сәясәт

Чаллылылар «Гринландия» бөтенроссия музыка фестиваленә гариза бирә алалар

«Ә мин Россиядә яшим!» - "Гринландия"нең якын дусларының берсе, җырчы һәм композитор Сергей Трофимов (Трофим) җырыннан әлеге юл конкурсның исеме һәм темасына әверелде. Быел җырчыларга, сүз һәм музыка авторларына нәкъ менә шул тема буенча фикер алышырга тәкъдим ителә.