Хәзер 08:52
,
22.5 °C
Хәзер 08:52
,
22.5 °C
1 нче балалар сәнгать мәктәбе Яр Чаллы шәһәре Башкарма комитетының мәдәният идарәсе ярдәме белән «Тукай образлары дөньясы» IV Республика рәсем сәнгате конкурсы үткәрә. Конкурс 5 апрельдән 25 майга кадәр күренекле татар шагыйре Габдулла Тукайның иҗади мирасын кадерләп саклауга ихтирамлы мөнәсәбәт формалаштыру максатыннан үткәрелә.
Яр Чаллыда мәгариф, мәдәният, милли мәсьәләләр, яшьләр эшләре һәм спорт буенча даими комиссия утырышы булды. Депутатлар җәйге каникуллар вакытында балаларның ялын, сәламәтләндерүен, мәшгульлеген оештыру турында фикер алыштылар. Әлеге темага доклад белән Башкарма комитет Җитәкчесе урынбасары Рамил Хәлимов чыгыш ясады.
Шәһәр укучылар Советы «Кошларны ашатыгыз» дип аталган экологик акция үткәрә. Ул Халыкара кошлар көненә багышланган һәм экологик айлык кысаларында уздырыла. «Җиңү» паркында укучылар Советы депутатлары кошларга 250 дән артык җимлек элделәр.
10 апрельдә бөек татар шагыйре Габдулла Тукайның тууына 135 ел тулу уңаеннан шәһәрнең өлкән сыйныф укучылары, урта-махсус һәм югары уку йортлары студентлары арасында «Татар-дозор» квест уены оештырыла. Ул татар шагыйренең тормышына һәм шәхесенә багышланган белем бирү, мавыктыргыч уен форматында Азатлык мәйданы территориясендә узачак. Квест нәтиҗәләре буенча һәр категориядә өч җиңүче командасы билгеләнәчәк. Җиңүчеләрне бүләкләү 17 апрельдә Аяз Гыйләҗев исемендәге Яр Чаллы татар дәүләт драма театрында «Мин татарча сөйләшәм» фестивалендә булачак.
Тантаналар сараенда ана капиталы сертификатлары тапшырылды. Чаллыда яшәүче тагын 13 гаилә сертификат иясе булды. Аларны ЗАГС идарәсе башлыгы Равилә Зарипова һәм Пенсия фонды идарәсе башлыгы урынбасары Татьяна Мулькаманова котладылар.
