Хәзер 17:04
,
28.5 °C
Хәзер 17:04
,
28.5 °C
4 апрельдә Яр Чаллыда татарча көрәш буенча «Көрәш» Берләштерелгән XII Бөтенроссия мөселманнарының ачык турниры һәм ТР мөселманнары Диния нәзарәте кубогына армспорт ярышлары узачак. Ул Туган телләр һәм халык бердәмлеге елына багышлана. Ярышлар «Витязь» спорт комплексында узачак.
Чаллыда кешелек тарихында иң борынгы бәйрәмнәрнең берсе – Нәүрүз билгеләп үтелде. Фарсыдан тәрҗемә иткәндә Нәүрүз «яңа көн» дигәнне, Кояш исәбе буенча Яңа ел башлануын, язгы көн-төн тигезлеген аңлата һәм ул 21 мартка туры килә.
Татарстан Республикасы торак төзелеше буенча Россия Федерациясе субъектлары арасында лидерларның берсе булып кала. 2020 елда өлешләп төзүдә катнашучыларның, ятим балаларның торак хокукларын гамәлгә ашыру буенча зур эш башкарылды, аларга бирелгән торак урыннарының саны артты.
«Бастион» тактик уеннар полигоны территориясендә XX Спартакиада кысаларында эшче яшьләр арасында лазертаг буенча турнир үткәрелде. Анда предприятие һәм оешмаларның биш кешедән торган 20 командасы катнашты. Командалар бишәр командалы дүрт төркемгә бүленде. Һәр төркемдәге очрашуларда финал стадиясенә узган иң яхшы команда билгеләнде.
Яр Чаллыда эшсезлек дәрәҗәсе 0,96% тәшкил итә. Шәһәр халкын эш белән тәэмин итү үзәге директоры Татьяна Быданова әйтүенчә, «Рәсәй эше» кадрлар үзәгенә ел башыннан 2350 кеше мөрәҗәгать иткән. Эшсезләр сыйфатында исәптә 2713 кеше теркәлгән. Эш белән тәэмин итү үзәгенең мәгълүмат базасында 6 626 вакансия бар, «Работа России» порталында 935 предприятие теркәлгән. Ел башыннан эшсезлек буенча 54 миллион 794 мең сум пособие түләнгән, 1541 кеше, шул исәптән март аенда 329 кеше эшкә урнаштырылган.
