Сәясәт

2020 елда Татарстан Республикасында Кеше хокуклары буенча вәкаләтле вәкилнең җәмәгать ярдәмчесе адресына чаллылылардан 51 мөрәҗәгать кергән

2020 елда Татарстан Республикасында Кеше хокуклары буенча вәкаләтле вәкилнең җәмәгать ярдәмчесе Эльвира Мифтахова адресына Яр Чаллыда яшәүчеләрдән 51 мөрәҗәгать кергән. Ул бу хакта иртән хакимияттә узган киңәшмәдә хәбәр итте.

Сәясәт

Коронавируска каршы вакцинацияне 17 меңнән артык чаллылы узды

Яр Чаллыда коронавирус инфекциясенә каршы вакцинация дәвам итә . Хәзерге вакытта Чаллыда яшәүче 17 меңнән артык кеше прививка ясаткан. Бу юнәлештә эш алып бару турында шәһәрнең сәламәтлек саклау идарәсе башлыгы Александр Николаев сөйләде: « Шәһәрдә 17 меңнән артык кеше беренче компонент белән вакциналаштырылган, 11 545 кеше вакцинаның икенче компонентын алган. Чиратка язу, вакцинацияләу эше дәвам итә. Шулай ук предприятиеләрдә халык арасында аңлату эшләре алып барыла».

Сәясәт

Яр Чаллының юл хезмәткәрләре тәүлек буе эшләвен дәвам итә

Яр Чаллы шәһәрендә юл хезмәткәрләре тәүлек буе эшләүләрен дәвам итәләр. Чыгарылган кар күләме 16% ка арткан. Ел башыннан алып бүгенге көнгә кадәр 45 636 рейста 611 мең 522 куб. м. кар чыгарылган. Бу хакта Башкарма комитет Җитәкчесенең беренче урынбасары Илья Зуев сөйләде: « Юлларны һәм тротуарларны су басудан саклар өчен Хәсән Туфан һәм Вахитов проспектларында, шулай ук Старосармановская һәм Дорожная урамнары киселешендә урнашкан яңгыр сулары насослары станцияләрендә тикшерү эшләре башкарылды. Алар барысы да төзек хәлдә һәм эшкә яраклы. Су җыю коеларын кар һәм боздан чистарту дәвам итә. Без су басуга юл куймас өчен, җир асты кичүләре парапетларыннан да кар чыгарабыз », – дип белдерде ул.

Сәясәт

22 мартта Татарстан Республикасы территориясендә урыны белән буран көтелә

22 мартта көндез Татарстан Республикасы территориясендә урыны белән буран көтелә, күз күреме 1-2 км га кадәр булырга мөмкин, җилнең тизлеге 15 м/с ка кадәр җитү фаразлана.

Сәясәт

Дәүләт Думасы сәүдә үзәкләренә якын йортларда яшәүчеләрне йөдәтүчән тавыш рекламасыннан яклый торган закон проектын кабул итте

Дәүләт Думасы депутаты, икътисади сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина бу уңайдан түбәндәге комментарийны бирде: «Миңа һәм хезмәттәшләремә гражданнар еш кына алар йортында яки күрше сәүдә үзәгендә урнашкан кибеттән көнозын яңгыраган тавыш рекламасына шикаятьләр белән мөрәҗәгать итәләр. Бу кешеләргә үз йортларында тыныч яшәргә комачаулый. Шулай ук эштә дә, офиста да, тәрәзә артында нәрсәдер сатып алырга тәкъдим итеп, кычкырып һәм йөдәтеп сөйләп торсалар, игътибарны юнәлтү мөмкин түгел. Тавыш рекламасы таралу регламентациясенең булмавы гражданнаргатискәре йогынты ясый».