Хәзер 23:23
,
22.5 °C
Хәзер 23:23
,
22.5 °C
Гражданлык җәмгыятен үстерүгә Татарстан Республикасы грантларын бирү конкурсында катнашу өчен гаризалар кабул итү башланды. Конкурс операторы социаль юнәлешле коммерцияле булмаган оешмаларга ярдәм итү буенча Республика ресурс үзәге.
Казанда шахмат буенча Россия Балалар Кубогы этабы узды. Тугыз яшькә кадәрге малайлар төркемендә көмеш медальне Чаллының "Этюд" мәктәбендә шөгыльләнүче Данис Хәбибуллин яулады, җитәкчесе Эдуард Ашиев.
Татарстан Республикасыннан 95 тонна гуманитар ярдәм белән чираттагы колонна азат ителгән территорияләрдә яшәүчеләргә җибәрелде. Бу колоннадагы иң кыйммәтле йөкләрнең берсе – Рубежное шәһәрендә яшәүчеләр өчен су савытлары. 300 л һәм 500 л күләмендәге 40 савытны Чаллының «Пласт Инжиниринг» компаниясе тапшырды, ул суны саклау һәм ташу өчен савытлар җитештерү белән шөгыльләнә. Махсус хәрби операция башланганнан бирле компания 70 л, 300 л һәм 500 л күләмендәге су өчен 120 савыт, шулай ук бу шешәләрне йөртү уңайлылыгы өчен махсус җайланмалар водороллерлар җибәрә. «Пласт Инжиниринг» директоры Эдуард Нургалиев әлеге гуманитар ярдәм азат ителгән территорияләрдә су китерү проблемасын хәл итәр һәм Рубежное шәһәрендә яшәүчеләрнең тормышын җиңеләйтер дип өметләнә.
«Нур» яшьләр үзәге «Җәйге лекторийлар» сериясен дәвам итә. 14 июньдә психологик сәламәтлеккә багышланган ике очрашу узачак. Очрашу 18:00 сәгатьтә «Азатлык» мәйданында, амфитеатр янында оештырыла. Яшүсмерләрнең кризислары һәм үсеше, өлкәннәр ягыннан аңлашылмаучанлык турында табиб-психотерапевт Анастасия Ваганова белән сөйләшәчәкбез.
Җәмәгать киңлекләре өчен тавыш бирү нәтиҗәләре билгеле. Яр Чаллыда җәмәгать киңлекләре арасында тавыш бирү нәтиҗәләре буенча Яр буе паркы төзекләндереләчәк. Парк өчен 11,5 мең шәһәрдәшебез тавыш биргән. Тавышлар буенча ГЭС бистәсенең Мәдәният һәм ял паркы икенче урынны алды. Шулай ук Фикрят Табеев исемендәге яр буе, Габдулла Тукай ис яр буе, Чаллы Яр бистәсендәге күл территориясе, 64 нче комплекстагы парк, Җәмиг мәчете янындагы мәйдан, 69 нчы комплекстагы сквер яки үз вартантыңны сайларга була иде. Тавыш бирү исемлегенә 267 җәмәгать киңлеге һәм ике меңнән артык йорт яны территориясе чыгарылган, шулар арасыннан 2024 елда өстенлекле төзекләндерү өчен топ-200 ишегалды территориясе сайлап алынган.
