Хәзер 15:59
,
28.5 °C
Хәзер 15:59
,
28.5 °C
Хәзерге вакытта «Яр Чаллы» алгарышлы социаль-икътисадый үсеш территориясендә 38 резидент теркәлгән. Компанияләр тарафыннан 23 млрд сум инвестицияләнгән, 6 526 яңа эш урыны булдырылган. Бу хакта Башкарма комитет җитәкчесе урынбасары Наталия Кропотова хәбәр итте.
Бүген аппарат киңәшмәсе барышында Башкарма комитет җитәкчесенең беренче урынбасары Илья Зуев хәбәр иткәнчә, 85 бакча җәмгыятенә 39 маршрут буенча дачаларга йөртү оештырылган. Көн саен шәһәрдә әлеге маршрут буенча 4700 кеше дачаларга йөри. Бакчачылар саны артуы эсселек белән бәйле.
Шәһәр мэры Наил Мәһдиев төзелеп килүче Җәмигъ мәчетендә булды. Биредә ул Аллах йортын төзүдә ярдәм итүче меценатлар белән очрашты. Ул аларга төзелешкә керткән өлешләре өчен рәхмәт белдерде.
12 июль көнне 17:00 сәгатьтә Үзәк шәһәр китапханәсендә Виктор Куликовның 1974 елның июнендә Яр Чаллы шәһәренә гастрольләре турында сөйләүче «Таганканың легендар гастрольләре» китабын тәкъдим итү кичәсе була. Виктор Куликов-Тольяттидагы Владимир Высоцкий музее директоры. Моннан тыш, Владимир Высоцкийның якты истәлегенә һәм күптән инде легендага әверелгән атаклы Таганкага багышланган җырлары яңгыраячак.
Комсомол районында Бөек Ватан сугышы ветераны Мөсәлия Габтракип кызы Ситдыйкова 100 яшьлек юбилеен билгеләп үтә. РФ Президенты Владимир Путин, Чаллы шәһәре мэры Наил Мәһдиев, Татарстан Республикасы Дәүләт Советы депутаты Андрей Фомичев, шәһәр Советы депутаты Альберт Петров һәм шәхсән үз исеменнән юбилярга Комсомол районы хакимияте Башлыгы вазыйфаларын башкаручы Фидәрис Хәбибуллин һәм КБК оешмасы рәисе Римма Ризванова котлау һәм бүләкләр тапшырдылар.
