Хәзер 01:18
,
21.5 °C
Хәзер 01:18
,
21.5 °C
Дәүләт Думасы депутаты, Дәүләт Думасының кече һәм урта эшмәкәрлек комитеты рәисенең беренче урынбасары Әлфия Когогина Яр Чаллыда «Экоактивлар» проектын тормышка ашыруга багышланган шәһәр чарасында катнашты.
ТР буенча Россия Гадәттән тыш хәлләр министрлыгы Кече суднолар буенча дәүләт инспекциясе үзәге федераль казна учреждениесенең Яр Чаллы инспекторлык бүлеге җитәкчесе Әбүзәр Ногуманов көзге-кышкы чорда су объектларында кешеләрнең куркынычсызлыгын тәэмин итү турында сөйләде.
Быел Чаллыда бозда массакүләм шуу өчен биш шугалак эшләячәк: Ипподромда, Азатлык мәйданында, Мәйданда, Замелекесье поселогында, «Медео»да. Барлык шугалаклар да, чаллылыларга һәм шәһәр кунакларына яңа ел кәефе өстәү максатыннан, бәйрәм иллюминациясе белән бизәләчәк. Физик культура һәм спорт идарәсе башлыгы Роман Насрединов матбугат конференциясе барышында Ипподромда шугалак формасы бераз үзгәрәчәген хәбәр итте. Бу – "Салават Кубогы" автомобиль ярышлары өчен трасса салудагы яңалыклар белән бәйле.
Дүшәмбедән, 22 ноябрьдән, Яр Чаллы җәмәгать транспортында пассажирларның QR-кодларын тикшерә башладылар. Бу эшнең ничек оештырылуы һәм аның арадаш нәтиҗәләре турында Башкарма комитет җитәкчесенең беренче урынбасары Илья Зуев сөйләде: « Беренче көн җиңел генә үтмәде, сертификатсыз йөрүче пассажирлар шактый күп иде, аларның кирәклеген аңламаучылар да бар. Аңлату эшләре алып барылды. Сишәмбе һәм чәршәмбе көннәрендә без киеренкелек кимүен, шулай ук пассажирлар агымының 20 процентка кимүен теркәдек ».
1 нче балалар сәнгать мәктәбендә 7 нче «Миләшкәй» балалар бакчасының «Чагылыш» гаилә үсеше студиясе проекты кысаларында чара узды. Әйтеп үтик, балалар бакчасы сәнгать мәктәбенең партнеры булып тора. Проектның максаты – балалар бакчасына йөрмәүче балаларның ата-аналарына консультация бирү, алар белән мастер-класслар һәм чаралар үткәрү.
