Сәясәт

Чаллы иреклеләре грантка ия була ала

"Орион" яшьләр үзәге волонтерлык эшчәнлегендә актив катнашкан иреклеләр өчен конкурс игълан итә.

Сәясәт

Шәһәр башлыгы чаллылыларны көзге өмәгә чакырды

1 октябрьдән Чаллыда шәһәр территориясен чистарту һәм яшелләндерү буенча традицион көзге санитар-экологик айлык башлана. Шәһәр мэры Наил Мәһдиев өмәгә автокаланың чисталыгына битараф булмаган кешеләр, бу көнне дәресләре узачак мәктәп укучыларыннан тыш, чыгарга тиеш, дип билгеләп үтте. "Көннең беренче яртысында үткәрергә кирәк. Чүп-чарны төяү өчен корал, капчыклар, транспорт әзерлибез", - диде ул. Көзге айлык эшләрне оештыру өчен шәһәр штабы составы расланды һәм чаралар планы әзерләнде. Шәһәрнең 5 400 гектар мәйданын яфрактан һәм чүп-чардан чистарту, 8,5 мең агач һәм 10 мең куакны санитар кисү, 23 мең данәдән артык яшел үсенте утырту планлаштырыла. Шәһәр территориясен чүп-чардан чистарту барышында бушлай шиннар кабул ителәчәк. «Шина үзәге» кибетенең адресы: Казанский ПР., 215. 15 октябрьдә гомумшәһәр өмәсе уздыру планлаштырыла. Бу көнне район администрацияләре заявкалары буенча каты коммуналь калдыклары полигонына чүп-чар һәм үсемлек калдыклары карьерына барлык оешмалардан бушлай кабул ителәчәк. Көзге айлык дәвамында «Горзеленхоз» ААҖнең үсемлек калдыклары карьерына торак-коммуналь хезмәтләр предприятиеләренең махсус техникасы, ташламалы тариф буенча керә алачак.

Сәясәт

Шәһәрнең торак йортларына җылылык бирү эшләре башланды

Шәһәр мэры Наил Мәһдиев җылылык бирү буенча эшне тәүлек буе башкарырга кирәклеген билгеләп үтте. "Идарәче компанияләр һава кудырту стоякларын оператив рәвештә эшкәртәчәк, өч көн дәвамында җылылык биреләчәк", - дип билгеләп үтте Шәһәр хуҗалыгы һәм халык яшәешен тәэмин итү идарәсе башлыгы Илдар Гайнуллин.

Сәясәт

Дүшәмбегә һава торышы

Болытлы һава, яңгыр фаразлана. Җил көньяк-көнбатыштан, көнбатыштан секундына 6-11 метр тизлектә. Төнлә минималь һава температурасы +7..+9˚. Көндез максималь һава температурасы +11..+13˚ тәшкил итәчәк.

Сәясәт

Махсус хәрби операциядә ике Чаллы егете һәлак булды

Украинада махсус хәрби операция барышында сержант Радик Наил улы Салихов һәм ефрейтор Руслан Вәсил улы Газизов һәлак булдылар. Шәһәр мэры Наил Мәһдиев үлгән Радик Салиховның әти-әнисенә һәм якыннарына тирән кайгыларын уртаклашты. " Бүген ярты миллионлык автокалада - зур кайгы, Батырлык Ордены кавалерын соңгы юлга озатабыз. Ул сугышчы, үз Ватанын чын күңелдән яраткан гражданин юлын сайлады. Махсус операция барышында хәрби бурычка, хәрби антка тугры булуын исбатлады. Аңа мәңгелек дан, махсус хәрби операция вакытында үлгән геройларга мәңгелек дан. Без геройларыбыз онытмаячакбыз", - диде ул.