Сәясәт

Чаллыда гражданнар оборонасы буенча штаб тренировкалар үтте

Чаллыда «Татарстан Республикасы территориясендә гражданнар оборонасын оештыру һәм алып бару» темасына идарә органнары һәм гражданнар оборонасы көчләре белән гражданнар оборонасы буенча штаб өйрәнүләре уздырылды. Өйрәнүләрдә 100дән артык кеше һәм 20 берәмлек техника катнашты. Тренировкага җәлеп ителә торган шәһәр Гражданнар оборонасы көчләре: коткару хезмәтләре, «КАМАЗ-Энерго» ҖЧҖ базасындагы газ-коткару отряды, күчмә туклану пункты, санитар эшкәртү пункты, санитар пост, радиация һәм химик күзәтү постлары әзерлек режимында.

Сәясәт

Наил Мәһдиев Чаллы полиция гарнизонын һөнәри бәйрәмнәре белән котлады

Бүген Яр Чаллыда Россия Федерациясе Эчке эшләр министрлыгы хезмәткәрләрен хөрмәтлиләр. Чара Эчке эшләр идарәсе бинасында узды. "Чаллы аягында нык басып тора, үсеш ала, шәһәребез өчен бик мөһим һәм кирәкле проектларны тормышка ашыра. Һичшиксез, безнең шәһәр берләшмәсендә бу тотрыклылык – сезнең хезмәт нәтиҗәсе", – дип билгеләп үтте үзенең котлавында Наил Мәһдиев.

Сәясәт

50 яшькә 50 агач

Бүген 12-нче мәктәпнең 50 еллыгы хөрмәтенә 50 агач утыртылды. Мәктәп яны территориясен яшелләндерүдә Комсомол районы администрациясе башлыгы вазыйфаларын башкаручы Фидарис Хәбибуллин, Шәһәр Советы депутаты Рубин Бадыйков катнашты. Чарадан укытучылар, укучылар һәм аларның ата-аналары да читтә калмады.

Сәясәт

Ветераннар юбилейларын билгеләп үтәләр

Комсомол районында гомер итүче Бөек Ватан сугышы ветераннары Сәрия Салихҗан кызы Гыйниятуллина һәм Гөлсинә Шәйми кызы Солтанова 90 яшьлек юбилейларын билгеләп үтәләр. Юбилярларга Комсомол районы администрациясе башлыгы вазыйфаларын башкаручы Эльвира Вәлиева Россия Федерациясе президенты Владимир Путин, Чаллы шәһәре мэры Наил Мәһдиев, Татарстан Республикасы Дәүләт Советы депутаты Марсель Мингалимов исеменнән котлаулар җиткерде һәм бүләкләр тапшырды. Сәрия Салихҗан кызы Гыйниятуллина ТАССРның Мөслим районы Тегермәнлек авылында туа. Урта мәктәпнең 5 нче сыйныфын тәмамлый. Сугыш елларында агач кисү белән шөгыльләнә. 1955 елда Бөек Ватан сугышында катнашкан Әхмәтбиҗан Гыйниятулла улы Гыйниятуллинга кияүгә чыга һәм ире янына Минзәлә районы Исәнгол авылына күченә. Лаеклы ялга чыкканчы, Сәрия Салихҗан кызы Минзәлә районының Мичурин исемендәге колхозда эшли. 2011 елда Яр Чаллы шәһәренә күчеп килә.

Сәясәт

Чаллыда яшәүче ханым спорт мастеры нормативын үтәде

5 ноябрьдән 6 ноябрьгә кадәр Санкт-Петербург шәһәрендә пауэрлифтинг һәм спортның көч төрләре буенча Евразия Ачык Чемпионаты узды. Турнирда 38 спортчы катнашты. Санкт-Петербург һәм Ленинград өлкәсе спортчыларыннан тыш, үз көчләрен күрсәтергә Мәскәү, Яр Чаллы, Новосибирск, Әстерхан, Барнаул, Томск, Белокуриха, Уссурия шәһәрләреннән дә катнашучылар килде. Үз илләренең спорт данын якларга Казахстан һәм Таҗикстаннан катнашучылары да килгән иде. 6 ноябрьдә төбәк, ил, Азия, Европа һәм дөнья рекордлары куелды.