Хәзер 23:33
,
21.5 °C
Хәзер 23:33
,
21.5 °C
Ел башыннан салым хезмәте базарларда эшмәкәрлек эшчәнлеген алып барганда намуссыз сатуны булдырмау һәм җәмәгать туклануы өлкәсендә эшмәкәрлек эшчәнлеген үтә күренмәле итү буенча тармак проектларын гамәлгә ашыруга кереште.
27 сентябрьдән 17 октябрьгә кадәр Сөембикә проспектында трамвай юлларына капиталь ремонт үткәрү сәбәпле, Яшьлек проспектына таба «Боз сарае» тукталышыннан «Сөембикә проспекты» тукталышына кадәр трамвай хәрәкәте туктатылачак.
Чаллы курчак театры «Золотое колечко» IV Төбәкара курчак театрлары фестивалендә берьюлы ике номинациядә җиңү яулады. Жюри фикеренчә, "Кроткая" - иң яхшы спектакль дип табылды, шулай ук иң яхшы режиссер эше өчен диплом алды.
Соңгы вакытта булган фаҗигале вакыйгалар белән бәйле рәвештә, Чаллыда куркынычсызлык чаралары көчәйтелде һәм барлык белем бирү оешмаларына керү мөмкинлеге чикләнгән. Шәһәрнең мәгариф учреждениеләре тарафыннан террорчылыкка каршы барлык кирәкле чаралар күрелә. Әйтик, узган елдан балалар бакчаларында үткәрү режимы кертелде. Хәзерге вакытта балаларны кабул итү әти-әнисенең шәхесен таныклаучы документ һәм пропуск күрсәткәндә генә алып барыла. Мәктәпләрдә хәвеф сигнализациясе төймәләре бар. Алар төзек.
1 октябрьдә Чаллыда яшәүче өлкәннәргә түләүсез юридик ярдәм күрсәтеләчәк. 11:00 сәгатьтән 12:30 сәгатькә кадәр видеоконференцэлемтә режимында (катнашу өчен сылтама өстәмә рәвештә җибәреләчәк) Өлкәннәр көне уңаеннан муниципаль районнар халкына түләүсез юридик ярдәм күрсәтү планлаштырыла.
