Сәясәт

Яр Чаллыда дублер-юлларны иртәнге 7дән чистарта башлыйлар

Бүген юл хезмәтләре Сөембикә проспектының 20 комплекс ягына илтүче җирле юлны, Тынычлык проспектының 3 комплекс ягыннан җирле юлны, Яр Чаллы проспектының 32 комплекс ягыннан җирле юлын чистарталар. Юлчылар әйтүенчә, бу кадәр карны чистарту өчен 8-9 сәгать вакыт кирәк. Шунысын да билгеләп үтәргә кирәк, Яр Чаллыда юлларны чистарту тәүлек әйләнәсенә алып барыла, шул исәптән төнлә дә. Дублер-юлларны чистарту иртәнге 7:00 дән башланачак. Бу территорияне максималь рәвештә чистарту өчен эшләнә.

Сәясәт

Яр Чаллы шәһәренең үзәк китапханәсе тарихи-этнографик онлайн-уен башлап җибәрде

Үзәк шәһәр китапханәсендә «Без төрле, әмма без бергә» дигән онлайн уены старт алды, ул ел саен үткәрелә торган «Минем төбәк һәм мин, күбрәк уйлаган саен, күбрәк саклыйм» дигән пиар-проект кысаларында уза. Проект инде дүртенче ел үткәрелә. Һәр елны катнашучы командалар Татарстан һәм Яр Чаллы шәһәре мәдәнияте, тарихы, табигате белән бәйле биремнәр үтиләр. Быел әлеге проект Татарстан Республикасында игълан ителгән Туган телләр һәм халыклар бердәмлеге елына туры китерелгән. Проект мәктәп музейлары активистларына һәм туган якны яратучыларга исәпләнгән.

Сәясәт

Татарстанда томан һәм көньяктан секундына 16 метрга кадәр көчле җил көтелә

Чәршәмбе көнне Чаллыда аязучан болытлы һава көтелә. Кар, юеш кар фаразлана. Төнлә һәм иртән томан көтелә. Җил көньяктан, көньяк-көнбатыштан секундына 7-12 метр, иртән һәм көндез урыны белән көчәйгәндә 16 метрга кадәр Төнлә минималь һава температурасы -6..-9 градус, аязган вакытта -13 градуска кадәр. Көндез максималь һава температурасы -3..-6 градус тирәсе. Юлларда бозлавык көчле.

Сәясәт

ТР Дәүләт төзелешен күзәтү инспекторлары Замелекесьеда 21/16 торак йортын газ белән тәэмин итү системасын тикшерде

Татарстан Республикасы Дәүләт төзелешен күзәтү инспекциясенең Төньяк-Көнчыгыш территориаль органы хезмәткәрләре Чаллы шәһәрендәге «Замелекесье» торак комплексының 21/16 торак йортында күчмә тикшерү үткәрде.

Сәясәт

Яр Чаллы ИТ-паркы стартап-проектларны сайлап ала

ИТ-паркта резидент статусын алырга теләүчеләрдән гаризалар кабул ителә башлады. Иң яхшы ИТ-карарларның авторлары икенче (ачык) этапка узачак, ул халык алдында тәкъдир итүне күздә тота. 2021 елның 13-14 февралендә чакырылган экспертлар яңа резидентлар сайлаячак. Гаризалар 7 февральгә кадәр https://itparkrt.ru/ сайтында кабул ителә. Сайлап алуда катнашу бушлай уза.