Сәясәт

"Заман"да Халыклар бердәмлеге көненә викторина узды

«Заман» яшьләр үзәгендә Халыклар бердәмлеге көненә багышланган викторина белән тематик чара узды. 40нчы мәктәпнең өлкән сыйныф укучылары викторинада 1610-1613 елларда Польша-Литва интервенциясенә каршы көрәштә Рус халкының батырлыгы тарихы белән таныштылар. Чара тарихи фактлар, фото һәм видео презентация, декабрист К.Рылеевның «Патша өчен тормыш» поэмасыннан экспрессив уку белән үрелеп барды, катнашучылар үз командалары өчен өстәмә баллар җыйдылар. Халыклар бердәмлеге көнен бәйрәм итү һәм Казан Мәрьям Ана иконасын бәйрәм итү тарихы мәсьәләләре буенча бик яхшы белемнәрне 10 Б сыйныф укучысы Павел Матвиенко һәм 8 Б сыйныф укучысы Дарья Вострецова күрсәттеләр.

Сәясәт

Чаллы студентлары тикшерү алып бара

9 декабрьдә, Халыкара коррупциягә каршы көрәш көне кысаларында, «Нур» яшьләр үзәгендә «Тикшерү алып барыла» шәһәр интеллектуаль-мәгълүмати квесты узачак. Шулай ук бу көнне «Гадел буын» коррупциягә каршы тематика буенча шәһәр конкурсы призерларын һәм җиңүчеләрен игълан итәчәкләр. Квестта автокаланың югары уку йортлары һәм махсус урта уку йортлары студентлары командалары катнашачак. Әлеге чараның максаты-студентларның игътибарын коррупция проблемаларына җәлеп итү һәм яшьләрнең интеллектуаль ял формаларын популярлаштыру.

Сәясәт

Чаллыда сәнгать төне уза

"Сәнгать төне" Бөтенроссия акциясе кысаларында Г. М. Хәкимова исемендәге Яр Чаллы картиналар галереясе шәһәрдәшләрне һәм Чаллы кунакларын 4 ноябрьдә 10:00 сәгатьтән 16:00 сәгатькә кадәр Татарстан Республикасы халык рәссамы Мәдияр Хаҗиевның «Чын күңелдән», " 1970-1980 елларда Яр Чаллы шәһәр мохитенең дизайны"; Яр Чаллы дәүләт педагогия университеты студентларының "График экспромты", Халыклар Дуслыгы (Россия халыкларының декоратив – гамәли сәнгате) бушлай күргәзмәләрен карарга чакыра.

Сәясәт

Чаллы тхэквондчылары медальләр белән кайттылар

Тольятти һәм Минск шәһәрләрендәге ике зур спорт вакыйгасында алар призлы урыннар алдылар. Тольяттида "Непобедимая Держава" XV сугышчан сәнгать Спартакиадасы узды. Ярышларда Россиянең 40 төбәгеннән 7 меңнән артык спортчы катнашты. ВТФ тхэквондо юнәлешендә безнең шәһәрне тренер Расулжон Ортиков җитәкчелегендә «Кэмпо көрәш спорт мәктәбе» шәкертләре тәкъдим итте. Яшүсмерләр арасында төрле авырлык категорияләрендә беренче урынны Тимофей Киров һәм Игорь Гедиминас алды. Шулай ук Аскар Большаков белән Диана Әхмәтсәгыйрова да алтын медальләр белән өйләренә кайтты.

Сәясәт

Әлфия Когогина "Чишмә" Халыклар дуслыгы йорты фондына милли костюмнар тапшырды

Халыклар бердәмлеге көне алдыннан бүген "Чишмә" Халыклар дуслыгы йортында очрашу узды. Анда Дәүләт Думасы депутаты Әлфия Когогина, муниципаль берәмлек башлыгы урынбасары Ирина Сәгыйдуллина, мәдәният идарәсе башлыгы Румил Кәрамиев һәм Татарстан Халыклары ассамблеясе филиалы җитәкчесе, Шәһәр Советы депутаты Виталий Агапов катнашты. Мөхтәрәм кунаклар өчен капиталь ремонттан соң милли общиналар бүлмәләренә экскурсия уздырылды. Әлфия Когогина Халыклар дуслыгы йорты фондына милли костюмнар тапшырды, ул яңартылган бинага, милли костюмнар күргәзмәсенә таң калуын билгеләп үтте. Депутат җәмгыятьләрнең клуб формированиеләрендә тәрбияләнүчеләр белән аралашып алды.