Сәясәт

ИТ-паркта "Кайнау ноктасы - Яр Чаллы" иҗтимагый киңлеген тәкъдир итү булды

ИТ-паркта "Кайнау ноктасы - Яр Чаллы" иҗтимагый киңлеген тәкъдир итү булды. Бу — шәһәрнең цифрлы үсеше, «цифрлы икътисад» илкүләм программасы кысаларында идеяләр генерациясе һәм нәтиҗәле хезмәттәшлек буенча уртак бурычларны хәл итү мәйданчыгы. Исегезгә төшерәбез, Россиядә беренче виртуаль "Кайнау ноктасы" 2020 елның июнендә Яр Чаллы ИТ-паркында ачылды. Чарада Татарстан Республикасы дәүләт идарәсенең Цифрлы үсеш, мәгълүмати технологияләр һәм элемтә министры урынбасары Радик Гисмятов, Башкарма комитет җитәкчесе урынбасары Наталия Кропотова, «ИТ-парк» югары технологияләр өлкәсендәге технопарк директоры Александр Борисов, шулай ук яшьләр һәм студентлар оешмалары, предприятиеләр профкомнары лидерлары, блогерлар катнашты. « Кайнау ноктасында» катнашучыларны Радик Гисмятов сәламләде: «Бу киңлек хакимият һәм халык арасында гына түгел, ә кече һәм урта бизнес, креатив балалар өчен дә диалогка әйләнсен өчен бөтен көчебезне куячакбыз. Онлайн-чаралар әлбәттә, бик шәп, әмма спикерны һәм кешене синең белән янәшә тояр өчен ешрак очрашырга теләр идек», – диде ул.

Сәясәт

Чаллының кадетлар мәктәбендә Илдар Маннановның тууына 100 ел тулуны билгеләп үттеләр

82 нче кадет мәктәбендә Советлар Союзы Герое Илдар Маннановның тууына 100 ел тулу уңаеннан тантаналы чаралар узды. Бәйрәм чарасында геройның туганнары, укучылар, педагоглар һәм офицерлар катнашты.

Сәясәт

Яр Чаллы шәһәренең Үзәк китапханәсендә ел саен үткәрелә торган XII фантастика фестивале узачак

14 мартта 13:00 сәгатьтән 16:00 сәгатькә кадәр Үзәк шәһәр китапханәсендә «Могҗизалар иҗат итәргә сәләтле» дип исемләнгән XII фантастика F4 фестивале узачак. Быелгы Фестиваль фантастикага нигез салучыларның берсе Герберт Уэллсның тууына 155 ел тулуга багышланган.

Сәясәт

Мәдәният өлкәсендә белем бирү оешмалары эшчәнлеген җайга салу өлешендә мәгариф турында законга төзәтмәләр кабул ителде

Дәүләт Думасы өченче, ахыргы укылышта сәнгать өлкәсендә өстәмә һөнәри, урта һөнәри, югары белем бирү программаларын гамәлгә ашыручы мәгариф оешмалары эшчәнлеген җайга салу өлешендә мәгариф турында законга төзәтмәләр кабул итте. Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина новеллага аңлатма бирде: " Россия президенты Владимир Путин билгеләп үткәнчә, Россиядә мәдәният традицион рәвештә дәүләт дәрәҗәсендә хуплана: «классик музыка, балет, театр сәнгате – безнең гомуммилли байлыгыбыз». Мәдәният өлкәсен үстерүнең әлеге линиясен дәвам итеп, сәнгать мәктәпләренең муниципаль һәм төбәк дәрәҗәсендә статусын үзгәртү, шулай ук иҗади училищеларга сайлап алу принципларына үзгәрешләр кертү турында актуаль һәм гадел инициативаны саныйм. Закон талантлы балаларыбызны һәм яшьләрне профессиональ яктан әзерләү сыйфатын үстерүгә юнәлдерелгән".

Сәясәт

Чаллылыларны киләсе тәүлектә салкын булуы турында кисәтәләр

Синоптиклар 10 мартның 23:00 сәгатеннән 11 мартның 10:00 сәгатенә кадәр метеорологик күренешләрнең интенсивлыгы турында кисәтә. 11 мартта төнлә һәм иртән Татарстан Республикасы территориясендә күз күреме 500 метр һәм аннан да кимрәк начарлану белән томан көтелә, һава температурасы -25..-27, аязган вакытта - 32 градуска кадәр.